Tour-Dialog

Statt ama üblicha Blog füahren dr Claudio und dr Andri in nögschter Ziit und unregelmässiga Abständ an kliina Tour-Dialog:

CLAUDIO: Andri, wia heschs du etz gfunda, dia üblicha konventiona ds brecha und mit open airs starta anstatt mit ara club tour?

ANDRI: Claudio, i hans dufte gfunda, wia ma us unerfindlicha Gründ bim grossa Nochpuur sait. Noch übr ama Johr im stinkiga Probebunker und strenger Studioarbet im Souterrain wieder amol a kli Sunna z gseh tuat dr Psycha eifach guat. Und Sunna hemmer jo immer. Dr Mythos läbt wiitr: No nia hets grägnet während ama Breitbild-Open-Air-Konzert! Im Umkehrschluss isch vilicht drum dr Mai so übel gsi… Und du, scho kli Fazit zoga? Highlight bis etz?

CLAUDIO: Petrus isch definitiv Fan vu üs – was i ehrlich gsait au guat verstohn! I han z’erscht schu kli Bedenka kah zum gad mit da Open Airs starta, do halt a paar Gigs vorher amigs schu guat tüand und d Open Airs für mi bislang immer kli as Dessert gsi sind, wemmas so nenna törf. Aber as isch super gsi etz! Definitiv wiit oba iordna würd i dr Isatz vuma gwüssa “Ersatz-Bassischt”, wo – ohni mit üs proba – gspielt hät als hätter schu a ganzi Tour mit üs gmacht. Das isch crazy gsi! Und nid ds vergessa dia abartig luuta Lüüt in Oftringa. Du schaffsches im Übriga schu immer d Setlist ufs Loch genau z’plana. Find i sehr guat! Also i fühl mi wohl mir Show bis jetzt.

Würsch du ir Herbscht-Tour ds Set fasch usschliasslich mit neua Songs spicka oder dia altbewährta ina neh? Oder besser gsait, schaffemer vu A-Z a Kontrascht zu da Open-Airs oder nämemer dia pumpiga Sacha mit?

ANDRI: Also grad an totala Kontrascht würi nid macha, pumpa muass es scho au no. Aber miar hend jo denn amigs au akli meh Ziit zum spiela, drum würi eifach zuasätzlich no a paar Songs vum neua Album inanäh, zum Biispiel d Solotracks oder Dis Johr. As törf jo denn ruhig herbschtlicher töna vur Stimmig her. Usserdem findi, söttemer öppis mit Tiar macha: A Katz, wo jongliart, oder a Papagei, wo uf dr Schultara vum Säm sitzt und di ganz Ziit “What Shall We Do With the Drunken Sailor” pfiift. Wiitera Tiarnummara? Oder anders Spektakel?

Breitbild «Crazy» Live at Openair Frauenfeld
Interview auf DRS

Be Sociable, Share!

•